චරිතය හැරල්ඩ් පීරිස් කවුරුත් දන්න....
චරිතය හැරල්ඩ් පීරිස් කවුරුත් දන්න
හිතවත්කමින් කවදත් ඉහළම ඉන්න
අද වැනි දිනයි සුදුසුම කවි ලියවෙන්න
සමරන උපන්දිනයට සුපැතුම් මෙන්න
සංගීතයද සිනමාවද සිතුවමද
දායකවුණා මේ හැමතැනටම නොමද
අඩු නෑ වේදිකාවට ඔහු පෑ පෙමද
තිබුණා ඇඩ්වර්ටයිසින් හිතවත්කමද
බැලුවේ නිතර ඔහු තම මිතුරන් දෙසය
දුන්නේ සහය කාටත් උපරිම ලෙසය
දනිතත් කලාවේ ඇති නව නළු රසය
හිටියේ වැඩිපුරම තිරයෙන් පිටුපසය
ඇති කොයිකාහටත් ඔහු පිළිබඳ මතක
ලිව්වොත් ඉතිං පිරවෙයි පිටු මහ පොතක
මිනිසෙකි කලාවෙහි හැසිරෙන හැම අතක
ගැවසෙන එකයි සොඳුරුම ඔහු හා විතක
මිතුරන් ඔහු වටා නිතරම රොද බැන්ඳේ
ඔහුගේ සමාගම කවුරුත් රසවින්ඳේ
හිමිවෙයි ඔහුට ඉල්ලන්නත් පෙර ඡන්දේ
දන්නෝ දනිති වගතුග හැරලානන්දේ
මධුවිත මොටද නැත්නම් අද වැනි දවස
ඇවිලෙනසුළුයි නිවෙනව වෙනුවට පවස
සාදෙට ඉතිං එවරෙඩි හැරලුන් නිවස
නාරාහේන්පිට හමුවෙමු අද හවස
කවිය බලන්න
