ප්‍රතික්ෂේපය

ප්‍රතික්ෂේපය

හේමන්තිකා අබේසිංහ

වැරහිල්ලක් වතලා ගෙන දිවි ගෙවූ මගේ මළ වත මිල අධික සළුවකින් වසාලන්නට අවැසි නැත ඔබ. මහ පොළොව නිදි යහන කරගෙන දිවි ගෙවූ මගේ මළ වත ට අවැසි නැත ඔබේ මිල අධික බහාලුම්. මා දිවි ඇති තුරුම කළා වූ මෙහෙවරට කිසිදා ඔබෙන් නැත පැසසුමක් ලැබුණෙ මට. ඒ නයින් මොකටද ඔබෙ බොරු ගුණකථන මගෙ මේ මළ වතට. ඉඳුල් කටකින් කුස පුරවාගෙන දිවි ගෙවූ මා නමින් රස නහර පිනා යන දම් බොජුන් සකසලා ඔබ කරනා පින් අවැසි නැත මට. පසුම්බියට ඔබෙ අගුළු ලාගෙන කඳුළු ගඟට මා ඇද දැමූ පසු හුස්ම හිර වෙවී එහි පිනද්දී ආත්මය හැර ගියා මගෙ ශරීරය තනිකර........ දැන් ඉතින් මට කිසිවක් එපා. ඒ අන් කිසිවක් නිසා නොව, කිසිවක් දැන් මට නොදැනෙන නිසා...... හේතී
කවිය බලන්න