2024 ට  ආයුබොවන්

2024 ට ආයුබොවන්

වෛද්‍ය ගාමිණී මද්දුමගේ

නටු ලෙසින් දුක හදේ හා වී.. සතුටු මල් ගිලිහෙද්දි සුපිපුණ ගතු කියන්නට එන්නෙ නෑ යයි.. සමනළුන් ඉගි ලෙද්දි බනිමින. පිටු ගණන්වල අකුරු වී ඇති.. අමුතු සිතුවිලි හිතේ මතුවුන. තටු ගසන්නට දරයි වෙහෙසක්.. ඇවිත් අත්තටු උමතු විලසින. ************************************ සෙසු මිනිස්සුන් කරන දේවල්.. දැක දැකත් තව ඉන්න බැරි තැන. ඇස රිදෙන්නට මගදි හමු වී.. අහක යන කොළ කෑලි පිරවුන. සිටු ගෙවල් වල විදුලි කැමරා.. යොමුකරන් බැලු පාරෙ හිල් ගැන. මට ලියන්නට බොහෝ කවි විය.. හිනාවට වැඩියෙන්ම වැලපුන. *********************************** දුක කියන්නේ මක්කදැයි ..හැඳුනුමක් හෝ වැටහුමක් නොමගෙන. රට කරන්නේ මෙහෙම යයි.. තොපි මක්කරන්නද කියා හිනහුන. ලොකු මිනිස්සුන්ගේ කතා ළඟ.. පොඩි එවුන් ඔරවද්දි පැරදුන. මට ලියන්නට බොහෝ කවි විය.. දිණුම් කණුවෙන් මෙහා නැවතුන. ************************************* තවත් වසරක් නිමා වුන තැන.. අලුත් විදියට හිනාවෙනු මැන. වෛද්‍ය නිලධාරී. බන්ධනාගාර වෛද්‍ය ඒකකය බදුල්ල. 2024.12.14.
කවිය බලන්න