“රතු අවුරුදු” ඇවිදින්...

“රතු අවුරුදු” ඇවිදින්...

ගත් කතු, සංගීතඥ මාලපල්ලේ කුමුදු අමරසිංහ ලන්ඩනය

සෙල් කවි -1 “රතු අවුරුදු” ඇවිදින්... අවුරුදු මල් පිපෙන්නේ අවුරුදු වාරේ ළඟ ළඟ එන බවයි පොට්ටු ද දෙන හූරේ ලැබුවත් උපන් දා ගිය නොදැනුණු පාරේ දැන්නම් දැනෙයි යන මඟ හැමට ම තේරේ... කවුරුත් හරි හොඳයි ලෝකෙට එක ම රැහේ ගතු කිය - කියා එක මේසෙට වැටී ඔහේ උන්නත් එකයි මිනිසුන් සැප නොමැති දොහේ කටුවත් කැරකුණා නොනැවති දොළොස් මහේ... වසරක් ගත වුණා ඊයෙන් නොදුන් දුක කියනුව නොවිඳි දෑ කුමට ද අටුව - ටික යන්තම් “අහස දැකුමට ඇති කැසබු” ඇස හැමට ම බැලිය හැක අද සිට “වෙනසෙ” රැස... සිහිනෙන්වත් නොසිතු ලෙස අද ගෙයි මුල්ලේ පුරවා ගත් “බෝග” දිවි තුරු එක එල්ලේ “තන්හා ජායතී සෝකෝ” සිත පල්ලේ “දිටි දම් වේදනී” නාටක ඇත කුල්ලේ... ඇත්තෝ දනිති ඇති - නැති දෑ කිල්ලෝටේ කිව්වත් කා ළඟත් ඇත “අඩු - වැඩි” කීටේ ලෙස “එළි වෙන්න ජාමෙට” දකිමු ද පාටේ “සායම් රෙද්දෙ පල්ලෙන් බේරෙන නාටේ”... රතු මල්ලිලා “කාලෙක සිට බලා” සිටී අවුරුදු එළැඹ ඇත “කාරිය කරනු!”වටී මේ අවුරුද්ද “සරු වන බව” දකිනු සැටී හිඳිත් දනෝ “කන්නට පෙරළමින් වැටී”... පාවා දෙමින් පිල් අතරෙ ම සටන් වැකී “හාවා ගන්න සඳටත්” යනු අරුමයකී නාවා නම් හොඳයි වැසි දිය බිම් නොමැකී ආවා! “නොආවා නම්” ඒ තව පුදුමයකී... සෝදා පාළු කර මුළු රට -තොට නාවා පාදා දෙන්න නිවැරැදි මාවත ගාවා සාදා ගන්න “අරගලයෙහි යද කාවා” රතු අවුරුද්ද “වෙනසක් කෙරුමට” ආවා!!! (මතු සම්බන්ධයි.) 2025.01.01
කවිය බලන්න