'ජයතු'

'ජයතු'

සිතාරා සේනාරත්න වේල්සය, එක්සත් රාජධානිය

නිමිත්ත - 1983 වසරේ එවකට ශ්‍රී ලංකාවේ ජනපති ජේ. ආර්. ජයවර්ධන විසින් එක්සත් ජනපද ජනපති රොනල්ඩ් රේගන් හට 'ජයතු' නම් මාස 18ක් වයසැති අලි පැටවකු තෑගි කළ අතර ඉන් මාස දෙකක පමණ කාලයකට පසු වොෂින්ටනයේ සත්ව උද්‍යානයකදී අලි පැටවා මිය ගියේය. (ඡායාරූපය සහ විස්තරය උපුටා ගැනීම - Wikipedia) රජුන් රජ කරවන්න තුටු පඬුරු ලෙස දෙන්න රාජ අණ නාමයෙන් නැව් නැග්ග පොඩි ජයතු ධවල මන්දිර මැදින් - මහ කැලේ පෙනුනාද ශීත සුළඟකින් හෝ - කිරි සුවඳ සෙව්වාද සනුහරේ එනෙනතුරු - මඟ බලන් සිටියාද කාන්සිය නිසාවෙන් - නොයෙන මඟ පැතුවාද මින්නේරි වැව් පිටිය පාලු වූ මහ රෑක අමාවක අඳුරේම ඉකි බිඳී උලලේනි පටාචාරා ලෙසින් - දරු දුකින් වැළපුනිද කිරි එරුනු උන් රැළේ - නුඹ සමඟ ඇඬුවාද ඇතිනියේ මහ මුහුද - ඉසලන්න සිතුනාද දරු සොයා ගම් වැදී - උන් නුඹව මැරුවාද (17.12.2024)
කවිය බලන්න