(ඌව පළාත සංචාරක සංවර්ධන ‍ ව්‍යාපෘතියක් යටතේ හපුතලේ කන්දක තේ පෝච්චියක හැඩය ගත් කෞතුකාගාරයක් සහිත සංචාරක හෝටලයක් ඉදිකිරීමට කැබිනට් අනුමැතිය - ප්‍රවෘත්තියක්) බෙංගාලේ බොක්ක හදිසියේ කැලඹිලා පිස්සුවක් කෙළිද්දී ලංකාවම හෝදගෙන, මං හිටියේ හපුතලේ නාය ගිය කන්දක් අද්දර හදන්නට යෝජිත Tea-Pot හෝටලේ තේ බිබී. හම්බන්තොට තෙක් පහළ මිටියාවතේ … තුරු මුදුන් කරකවා සුලි සුළං හමද්දිත් හරි පුදුමයි මට නින්ද ගිය අපූරුව! හීනෙන් වගේ මං දැක්කා Adam Smith මහත්තයා Wealth of Nation ලියනවා, හෝටලේ පැත්තක තිබුණු Tea Museum එකේ ලියන මේසෙක ඉඳගෙන තනියම, ‘අදිසි හස්තයේ න්‍යාය’ (Theory of invisible hand) තලු මරමින්. ‘තව තේ එකක් දෙන්නද සර්?’ වේටර් වේලු ඇහුවා විතරයි, කෙටුවා විදුලියක් ඇස් නිලංකාර කරගෙන. තිගැස්සුණු David Ricardo රිංගුවා මේසේ යට. ‘තුලනාත්මක වාසි’ (Comparative Advantage) විසිරුනා හතර අත කලබල වුනු Museum අභිරක්ෂකයා කටුගෙයි දොරගුලු වසා දැමුවේ තල්ලු කරමින් මාවත්. ලිස්සල වැටුණු මං පාවෙලා ගියේ තට්ට කඳු මුදුන් අතරින් උඩවලවට ඉහලින් ගොස් මං පතිත උනා මහා මුහුදේ අටවලා තිබුණු කාලතුවක්කුවක් මතට. අම්මට සිරි! තුවක්කුව හයි කරලා තිබුණේ, එලිසබෙත් (I) මහ රැජින ගෙන් වරලත් පෙරදිග ඉන්දියා සමාගමට අයිති රුවල බිඳුනු නෞකාවක. ලෝකෙ පළවෙනි බහුජාතික සමාගම East India Company මාව උඩ ගිහින් ඇහැරුණා ! අහස තාම ගොරවනවා විදුලි කොටනවා වැස්ස වහිනවා නින්ද අහලකවත් නැහැ දැන්