නොන්චි කෝලම
2023-January
යනවිට – වයවයා හඬින් අණබෙර පෙන්නලා මගෙත් තුනු
උරමඬල රූසිරිත් මිහිබට මල්සරා වගේ
හැඩකොට – නළවලා උඹත් සිහිනිඟ ලෙළවලා ළමැද රන්කුඹු
දෙවඟනක් වගේ හිටියට තුරුණු සංදියේ
ලෝකෙට – කෝලමක් වෙලා නුඹ අද නොංචි නංගියේ
ගතරූ – සිරිත් වන වනා නුඹ අතගන්න ආ සැමට පිටුපා
ලංවුණා නුඹත් පෙම්බර බිරිඳ වී මගේ
ඉඳහිට – මෙලවුනා වුණත් ලිපගිනි දැල්වුණා නිතර දුක්ගිනි
ඉහිලුවේ නුඹත් පෙරකළ පවට නොංචියේ
ලෝකෙට – කෝලමක් වෙලා අපි අද නොංචි නංගියේ
සැමවිට – එල්ලිලා දෙතන දරුවන් ඉල්ලලා හඬන රන්කිරි
වේලිලා ගියේ අරගෙන රූසිරිත් උඹේ
වියපත් – මවක ලැම බලා හිනැහෙන අරුම දූපුතුන් අතහැර
මව්කිරි බීපු උන් ඉන්න රටකට යමුද නොංචියේ
ලෝකෙට – කෝලමක් වෙලා මොකටද ඉන්නෙ නංගියේ