ආසිරි පැතුම්
2024-January
දිලී තරු මල් පිරුණ සඳ මැද
නිල් අඹරෙ සිරි මැවේවා
මිදී දුක පිරි රෝග සා ගිණි
බියෙන් සැම දන දිනේවා
නිවී යුධ ගිණි ලොවේ දසතම
සාමයේ මල් පිපේවා
නව වසරෙ කවි රස ගඟුලෙ
සැම කිමිදි කිමිදී රැඳේවා
ළඳුන් සීගිරි ලෙනේ පානා
මඳහසින් රාගෙන් මිදී
සඳුන් සුවඳින් කාලිදාසයො
දැවෙන සොහොනේ දුක දැනී
ඉන්දු සයුරේ ඉගිලෙමින් ගොස්
තාගෝර් රස උරමිනී
ලොවේ නන් දෙස ගලන කවි රස
උරමු නව වසරේ රිසී