අපි නොදන්න, සමනලීගේ කැරැට්ටුව
2022-June
මල් පැණි මිසක නොගනි කොල සුඹුලු දළු
යන-එන ගමන් අහසේ, තටු සුමුදු සළු
ඈ නෙත් ගැටෙයි ගාටනු දලඹුවෙක් කළු
හකුලා ගනි දෑසම තුරු, පතර බැළු
හොඳටම කිලිටි ගොරහැඩි වස්තර අඳින
ගස් පොතු ලෑටි ගා පනුවෙක් මෙන් ඇදෙන
මේ කැත සතා දැකුමත් අපුලයි නෙතින
කාගේ කවුද තොප කිලුටෝ කිව ඉතින
තටු ඇති නිසා අහසේ සිත්සේ සරණ
ඇති හැකි නිසා මල් පැණි පමනක් බුදින
ඉපදුන දාම අත්තටු ලැබුනයි සිතන
අක්කේ දලඹු මලයා මම බඩගාන
උඹත් මා වගේමයි පොඩි කාලේ දළඹුවෙක්
මොන පැණිද ,ඒ කාලෙ උඹෙ කටෙත් හප විටක්
සමණොළේ යනවාළු වටකරන් තව ගොඩක්
උන්න හැටි මකා දා කරන පිං නෑ පලක්