තුරුණු හිතක සංතාපය

රේණුකා බණ්ඩාරනායක , පර්ත් , බටහිර ඔස්ට්‍රේලියාවදී
රේණුකා බණ්ඩාරනායක , පර්ත් , බටහිර ඔස්ට්‍රේලියාවදී
2021-October

මුලු ගෙදරම පාලුවෙලා

සිනා ඔබේ හොරු ඇරගෙන

ඔබ හදගත් ඒ කුමරා

ඔබට හොරෙන් සමු අරගෙන

ගිය සතියේ මා දුටුවා

ඔබ තනියම හිනැහෙනවා

පුංචි දුවේ කීවේ නැහැ

සතුට ඔබේ මැකෙයි කියා

ඊයේ අපි සැන්දෑවේ

මුහුදු වෙරළේ පිය නගද්දී

මා දැක්කා ඔබේ දෙනුවන්

යුවළක් වෙත පියෑබුවා

කුමරු ඔබේ ඉගිලුනාට

එපා දුවේ ලතවී ඉන්න

හෙට දිනයේ අලුත් හිතක්

ඔබේ දිවිය පුබුදුවාවී