නිරුත්තර වීමි
2021-February
කුටිය සැම තැන
කෑලි කපන සීතල
උණුහුමක් නැති කල
පේන තෙක් මානයක
සීතල සළුව පොරවගෙන
නින්දේ නොනින්දේ මුළු රැයම
හිරු එළිය තීරුව එබෙන්නේ
දැන් අලුයම
දොරගුළු හරිනෙමි
සීතලේ ගැහි ගැහී
අමුත්තෙක් සිටී
සඳලු තලය දොරටුව අස
‘එළිවෙන කල් මෙතැනද හිටියෙ
ඇයි දොරට තට්ටු නොකළෙ ? ‘
ඔහු සිනාසී විමසයි මෙලෙස
‘තට්ටු කළා නම් දොර ඇරල
මාව ගන්නවද ඇතුළට ?
නිරුත්තර වූ මම
කැඳවීමි ඔහු ගෙතුළට
24.01.20/21