උල් අඩි සපත්තු …..
2023-September
ඒ රතු මැයි ගස යටින් යද්දී
තිබුනා කියන්නට කතාවක විත්තී
මල් පිපෙන කාලයටත් යටත් වෙද්දී
නොබලා ඉන්නේ නෑ ඒ තතු විත්තී
ඊයෙ පිපුනු මල් අතු හැර දමා,යද්දී
බඹරෙක් රමණය කල මලක් ඒ අතර වෙද්දි
ඵල හට ගන්න කලින් වැටුනාද රත්තී.
කියා,හැඬුවා ඒ අතු ඉත්තී
පාරෙ යන නෝනලා පාගද්දී
අඩි උස සපත්තුවට පෙති හිල් වෙද්දී
අර රමණය කල පොඩ්ඩී
එතනම මියදුනා ගැබ දැරූ ඇත්තී
පාරෙ ලයිට් කනුවට මුවා වෙද්දී
කඳ කොල උදවු කල ඒ ඇත්තී
ඈ මේ මැයි කඳට පිට දෙද්දි
රෑ ගනනක රහස් ගස දරද්දී
වෙනස් මූනු නුඹ හැමදාම ඉඹිද්දී
බඹර වෙස් ගත් උන් හා,ලගිද්දී
කට ඇරියෙ නෑ නුඹ රත්ති
වැදූ පැටියා ඈ පාගද්දී.