![](https://londonkavi.com/wp-content/uploads/2024/04/3983bb58-9c5a-4df1-8f8d-37d81113ebb1.jpeg)
සුව සොයා දුවමු
දවසින් දවස ජීවිතයම එපාවී
සිටිනා කෙනෙක් ඇඳ පුටු මත දපාවී
හැකිනම් අනුන්ටත් වලවල් කපාවී
නොදැනම අපායක අසිරිය සිපාවී
සිටිනා එවැනි සමහරු දිවි එපාවී
සැමවිට හැකි ලෙසින් පර දුක නසාවී
හෙට ගැන සිතා සිත පිනටම නමාවී
ඉනු ඇත මතු දිනක සතුටින් සිනාවී
දහමක් නොමැති මිනිසුන් ලොව වසාවී
තම යහපතට උන් සැම දෙය කරාවී
අන් අයගේ සැපත ගැන නොම සිතාවී
ජීවිතයක් වුවත් නොපැකිල නසාවී
කළ කම් විලස ප්රතිඵල ඔබ ලබාවී
පව නම් කළේ දුක පසුපස හඹාවී
පින් කළ කෙනා සැප සතුටම ලබාවී
නිවනට යන්න ඒ පින් මඟ හදාවී
පින් සිත කුසලයට ඔබ යොමු කරාවී
සිත ඇති දුබලකම් දුරුකර දමාවී
ඉන්පසු නිවන් මඟ දිගටම දුවාවී
නොවෙනස් වන සුවය දවසක ලබාවී