හිමකැටි ආදරය
කවියෙකු හැටියට අප දන්නා හඳුනන අනුර හෑගොඩ කෙටි කතාකරණයට එළඹ සිටින්නේ එම ක්ෂේත්රය කෙරෙහි ළෙහි උපන් ආදරයෙන් බව පෙනේ. ඔහු කෙටිකතාකරුවෙකුට අවශ්ය රමණීය බසක් උරුම කරගෙන සිටින බව පැහැදිලිය. මිනිස් චිත්තයේ ගැඹුරට කිමිද එහි පත්ලේ ඇති සම්පත් සොයන්නට ඔහු ගන්නා වෙහෙස අගය කළ යුතුය.
ජයතිලක කම්මැල්ලවීර
අනුර හෑගොඩ කෙටි කතා රචනයෙහි දී ඉවහල් කරගෙන තිබෙන්නේ බොහෝ විට කාව්යකරණයෙහි ලා ප්රචලිත අත්දැකීම් ක්ෂේත්රයක් විදහා දක්වන 'ජීවන සංවේදනා’ වේ. පාඨකයා තුළ සංවේදනා උපදන ඔහුගේ අත්දැකීම් ඔස්සේ කුළු ගන්වන්නේ අනුවේදනීය මානව හැඟීම් ය. ඔහු නිරූපණය කුඩා දරුවෙකු ද, පෙම්වතියක ද, වියපත් මිනිසෙකු ද, පාඨකයාගේ නෙතඟට කඳුළක් ගෙන එන්නේ ඉහත සඳහන් කළ ‛සහකම්පනයට’ පාඨකයා පත්වන බැවිනි.
හෑගොඩ ස්වකීය ජිවිත කාලය තුළ නෙක අවකාශයන්හි අසන ලද - විඳින ලද අත්දැකීම් සිය පන්හිඳට ගෙන පාඨකයා කියවීමට රුචිකර අර්ථ රසයෙන් ද අනූන කතා මාලාවක් රචනා කරන්නට සමත් වී ඇත.
මහාචාර්ය සරත් විජේසූරිය පෙරවදනෙන් ....
