ඉල් මහ විරුවෝ..

ඉල් මහ විරුවෝ..

වෛද්‍ය ගාමිණී මද්දුමගේ

වැල් රුක් අත්තන මල් බිම වැටිලා.. කහ සිවුරක රෙදි කෑලි වගෙයි. ගිනිකණ බිඳලා නිවන් පුරේ යැව්... පොඩි හාමුදුරුවෝ හිතට නැගෙයි. ඒ ළඟ වද මල් ගුලි වී හැලිලා.. ගැලු රත් ලේ බිඳු මිදුණ වගෙයි. වප් මහ ගෙවිලා ඉල් මහ එනවා.. ටයර් රබර් ගඳ මතකෙ දිගයි. ********************************** මළ හිරු අහසේ තුරුණු ලෙයින් ලිව්.. කවියෙන් තව රතු පැහැ වැගිරෙයි. නමක් නොදන්නා වැලකින් පිපිලා.. දම් පාටින් මළ හීන හැඟෙයි. අරිමි කවුලු තිර නිදිමත ඉරලා.. තවම බොහෝ තරු අහසෙ දිලෙයි. දනිමි හැඳින්නෙමි උන් ඇහැ ඇරිලා.. ඉල් මහ පරවුණු කුසුම් වගෙයි. වෛද්‍ය නිලධාරී . බන්ධනාගාර වෛද්‍ය ඒකකය බදුල්ල . 2024.10.12.
කවිය බලන්න