සිත්තම් කර හිත අද්දර , යමුද හිතට පෙම් පුරන්න…..
2023-November
ඇහිපිය යට හීන තියා
දග කරනා තරු ගනින්න
කිරි බැබළෙන හඳ පානේ
විසිරෙන පිණිබිඳු දකින්න
සේපාලික කුමුදු පොකුරු
සුවඳ මැදින් ඇවිද යන්න
නිසල රැයක ඔබත් මමත්
යමුද හිතට පෙම් පුරන්න
කන්දේ හැපිලා මුවා වෙලා
බලන්න අඩ සද මැවු රූ
ඇඟිලි තුඩින් හිස පිරිමැද
දෙන්නද හාදුවක් සොඳුරු
සිත්තම් කර හිත අද්දර
ලස්සන කවි ගීත සින්දු
අපි මැදි විය පහු කලාට
තාමත් ආදරේ තරුණලු