සිංහ රජුනි සුවසේ යළි පිබිදෙන්න
2022-November
කුමරිය හා සරසවි
සැදුමට සිතුවෙ සිව්පදයක් ලෙසකවි
පැතුමට සුව ආසිරි ලැබුමට සුවසවි
නිරිඳුට සිංහ කුසුමක් වේවා සෙත්කවි
ගඟදිග ගියේ අති බිහිසුණු ගමනක්ය
ඒ ගිය මගේ විසිතුරු නම් රසවත්ය
ගෙනදුන් දැනුම කොයිකාටත් වැදගත්ය
ජැක්සන් මැතිඳු යන මාවත නිවහල්ය
පුංචිතිරය සමඟින් මහ තිරයද රිදී
වේදිකාව වන මැද සැමතැනම රැඳි
නොවනා බව එක දෙයකට අයෙක් හැදී
බොරුබව පසක් කෙරුවා ඔබගේ විදි
සාලෙට ඇවිත් අප හා දොඩමළුවන්න
තිරයට ඇවිත් සැමනෙත සනසාලන්න
වේදිකාවේ සිහනද යළියළි පතුරන්න
සිංහ රජුනි සුවසේ යළි පිබිදෙන්න
තෙරුවන් බලෙන් ඔබ සුවපත්වේවා
සැමදෙව් බලෙන් ඔබ නිති සු‍රැකේවා
දුටුදුටු දනන් දෙන පැතුමන් ඉටුවේවා
සිංහරජුන් හෙට තිරයට පැමිණේවා