රස කැවිලි…
2023-December
සෙබල ඔබට නොහැඟේද
කෙසේ,නම් පවසනුද
කෙදිනක්වත් වැටහේද
නුඹේ පුතුගේ හඬ වැනි
පුංචි හදවත ගැහෙන හඬ
නැත නුඹට ඇසෙන්නේ නැත
ෂෙල් වෙඩි හඩ පරයා කුමන
ලබ් ඩබ් හඬක්ද.
විහඟ පිහාටු ඉගිල යන අවකාශයක
පාව යනු නිසැකය මොහොතකින්
අපේ ආත්මය
හවුහරනකුදු නොමැති
කලු කුහරයක
කිනම් වාස භවනක්ද.
උන්ඩ නම් අනවැසිය
එතරම් තද නැති මෙලෙක් හදවත
ඇඟිලි තුඩකින්ද පාරා දැමිය හැක
පෑරී පෑරී තිබෙනා බැවින්
එය එතරම්ම පහසුය.
නුඹට නිවස කරා ඉක්මනින් යායුතුනම්
සියලු මෙලෙක් තැන් පාරා දමන්න සැනින්
නුඹ පුතු ඇති මග බලාන
ගෙනෙනා තුරු කැවිල්ලක්
පුංචි දිව රසකරන්නට
ඉතින් පාරා දමන්න හදවත .
පිලියන්දල .