ප්‍රවීණ රංගන ශිල්පීනී පද්මිණී දහනායක සමුගත්තාය
සිත් විලෙහි පිපි රංග සියපත
භරත රංගන අසිරි සිරි මැද
සුවඳ විහිදා දිගු කලක් තුළ
දෙස් විදෙස් සිත් පබාමත් කළ
රංගනාවිය අප්සරාවිය
පද්මිණී දහනායකත් දැය
අතැර නික්මී ගිය වගයි
මලක් මෙන් සිත සුමුදු මුදු විය
ගඟක් මෙන් හැඩ ගලාගිය දිය
සඳක් මෙන් තරු මැද පබා ලිය
මදක් නිහඬව සිට නිවී ගිය
හිඩැස පුරවනු පහසු නැත දිය
භරත රංගන කලාවක් ලෙස
අබීතව ඔසොවා තබන්නට
අසීරු වු වෙහසක් දැරූ
මවා ප්‍රතිභා ප්‍රබා නිරතුරු
ශිල්පිණිය ඔබැමය කලක් තුළ
දේශපාලන ප්‍රබලයින් හා
සබඳ නෑකම් කොතක් තිබුණත්
අතැර ඒ සැම ඔබ ඔබේ මඟ
උරුම හැකියා වඩවමින් ගිය
දිරිය ළඳෙකිය දශක අටකට
මදක් වැඩි කල් ජීවිතේ
චිත්‍රපටයත් වේදිකාවත්
එකක් විලසම සලකමින් ඔබැ
නර්ථනය රංගනය වෙනුවෙන්
සංඛ සම්මානයන් ලබමින්
වපසරිය තුළ ජීවිතේ තැබූ
සොදුරු සටහන් විශිෂ්ටයැ
දැයේ දරුවෝ නර්ථනය තුළ
දුරාතීතයෙ සිට පහන් කළ
රංග ප්‍රතිභා කලාවම ඇත
සසර සරනා තුරු සදා
ඔබට සැනසෙන්නට ළදේ
==============================
කලාභූෂන කිවිපති කවිධජ
ඩබ්ලිව් කේ සරත් විමලසිරි