දේශයේ හඬ …………..
2023-December
අවියක් කරන ඔබෙ කටහඬ ලක්දිවට
සවියක් දුන්නේ පීඩිත ජනයගෙ ලොවට
දෙව්දුව වෙලා උන් සිත සැනසුවෙ යසට
දිවියක් ඔබයි ගෙන ආවේ ගීතයට
නොසැලී බිය නොවී ගීතය ගැයූ හඬින්
පාලකයන්ගෙ ජඩවැඩ පෙන්නුවා නිතින්
රට දැය ගොඩ නගන නව පරපුරට ඉතින්
ගුරුහරුකම්ද පෙන්නා දුන්නාය නිතින්
දූ දරු පරපුරට සංගීතයක් ලෙසින්
දුන්නා දැනුම අපමණ ලෙස ඔබේ බසින්
නන්දා මාලිනී යන නම ගයමු තොසින්
පතනෙමු දිවිය සැපවන්නට ඉතා සුවෙන්
නවසීලන්තය
27 නොවැම්බර් 2023