ලන්ඩනයේ සිට මුදා හැරෙන ශ්‍රී ලාංකේය කවි සරණිය

දුරු රටක අවුරුදු සිතුම්

දුරු රටක අවුරුදු සිතුම්

රේණුකා බණ්ඩාරනායක , යාන්ත්‍රික ඉංජිනේරු , පර්ත් , බටහිර ඔස්ට්‍රේලියාවදී
2021-April

එරබදු මල් පිපී නැතත්
කොවුල් හඬක් ඇසුනෙ නැතත්
හිත ඇතුලට නව අවුරුදු
සිතුම් පැතුම් ඇවිද ඇවිත්

රටකින් රටකට ඇවිදින්
රාහු කාලෙ ඉවත ගිහින්
දර ළිප නැහැ දැන් නිවන්න
සිත් ගිනි පමණයි ඇවිලෙන

සිරුරු සුවය රැක ගන්නට
අනුභව නම් තෝරාගෙන
හිතේ පුදුම ආශාවක්
කොණ්ඩ කැවුම රස බලන්න

සතුට සැපත උතුරා ගොස්
රෝ බිය සැම දුරුවේවා
සිත් පිරි සතුටින් පවසමි
සැමටම සුබ අවුරුද්දක් !