ලන්ඩනයේ සිට මුදා හැරෙන ශ්‍රී ලාංකේය කවි සරණිය

අඳුරට එරෙහිව

අඳුරට එරෙහිව

නිලාර් එන්. කාසිම්
2021-April

සිඳී ගිය පියාපත සවිමදි ද
විඩාබර නෙතු දෑලෙ කඳුළැලි ද
විහඟුනේ ඉසිඹුවට කල් වැඩිය
පියාඹමු හිරු වඩින නිම් තෙර ට

සිනාසෙන්නට සිටින දරුවන් ට
සිනාවක් රැගෙන එමු පළදින් ට
පියාපත් පිරිමදින තුරු නො ඉඳ
පියාඹමු හිස සිඹින සිහිනය ට

තටු සලන මුදු සිතැඟි ඇහැරෙන්න
මං වසන කළු අඳුර බිඳලන්න
රතු අහස විළිලාන එන විටෙක
පිපෙන මල් කැකුළු පෙති සිපගන්න

‘පැහැසර අරුණක’ ගී පොත – 1999