කණාමැදිරි එළි…..
2023-September
තවත් රැයක අඳුර මැදින් සඳ එබි එබි බලනා
ගසුත් වැලුත් තරඟ වැදී ඇද හෙවනැලි අඳිනා
තරුත් පොකුරු පොකුරු ගැසී එක යායට දිලෙනා
කවක් ලියමි පද එක් කර අකුර අකුර අමුණා
නැගුණොත් සඳ අහස් තලේ තරුත් සමඟ දිලෙන
මොහොතක් හෝ නොහිඳ බිදෙයි අඳුරු පටල සැණින
කවදත් මෙන් හමන සුළඟ තුරු ලිය පිරිමදින
සුවයක් දී සිසිල බෙදයි ගත සිත ගිම් නිවන
නිමක් නැතිව අහස පුරා විදුලිය ඉරි අඳින
දවස් තිබේ වැහි බර වුණ මේකුළු සළු ඉරෙන
එතෙක් සිටියෙ ඉවසිල්ලෙන් නිදි දැහැනින් මිදෙන
මමත් දකිමි කණමැදිරින් රැයේ අඳුර විඳින