උරුමය ද කරුමය ද
2023-July
ඉඳහිට අඬන අහසේ කඳුළින් තෙමෙන
නිදියන රැයට කුසයේ ගිනිදැල් නැගෙන
දහදිය සමග දිවියම දියකර හැරෙන
බණපද ලෙසට කිව්වෙත් දුකමයි විඳින
දිව්වත් හුඟක් දුර පසු පස නොබලාම
සෙව්වත් සැපක් නිති ලැබුනෙම දුකබෝම
ගෙව්වත් ටිකක් පව් තිබුනෙන් නොගෙවීම
යහපත් මගක් ඇස නොගැටුනි කිසිසේම
තැබුවත් සිනිඳු මෙට්ටය මත සුව දැනෙනා
බැසවිත් යළිඳු කුණුරස සැප ලෙස ගෙවෙනා
අයටත් කවුරු කිව්වද බණ කන පිරෙනා
කවදත් නොහැක පින දෙන්නට පව මැකෙනා
විඳ විඳ නේක කරදර දුක දිවියේම
තව තව බෝම යන්නට ඇත සසරේම
දැන දැන සිතට බෝ දුර බව සැනසීම
කරුමය නොවෙද පව අසලම නැවතීම