උමතු ලොව
2023-November
වෙලා මගේ හිත
ආදරබර හැඟුම් මත
පියවි සිහියෙන් ඔබ්බට
පිය මැන්නා මං
වලාකුළු මත
ඉර රවා ඔරවලා
හඳත් කළුවර වෙලා
තරු කැටත් ඔච්චම් කළා
වලාකුළුවල සැහැල්ලුව
තිබුණා මගෙ පුංචි තටුවල
මටත් නොදැනිම පියාපත්ටික
මටම සමුදී ගිහින් වෙනතක
මතකයට මගෙ අඟුල් වැටිලා
පාරෙ ඔබ මොබ ඇවිද ගිය මගෙ
හිරි ඔතප් දෙක බිදී තිබුණා
උමතු ලෝකෙට මමත් වැටිලා
මට උරුම මගේ ලොව
මාව තනිකර ගිහින් තිබුණා