ඉර මගුලට ආයු බෝ
වැඩමවන්න ඉර දෙයියෝ මේශ රැසට ආයු වැඩෙන්
කැන්දගන්න මනාලියක් කොවුල් කුමරු ගමට වඩින්
අතුරවන්න ලන්ද පුරා එරබදු මල් සිනා වෙයන්
පින් පුරන්න බක් මාසෙට මෙදා නැවුම් සද බලපන්
දෙකට බෙදී හිත් නොබෙදී කෙළි සෙල්ලම් කෙරේයා
තෙලට බැදී රසට නටත් කැවුම් සුවඳ දැනේයා
සොදට සැදී පිරුණු කරල් අටුවෙ පිරී දිලේයා
එකට ඉදී නැවුම් බතින් සාර සිරින් පිරේයා
ඵලින් පිරී මලින් හෙබී ගසුත් වැලුත් සිරිදෙනා
හදින් බෙදී උන්නු අයත් නැකැත් කළට ළංවෙනා
මුවින් සිනා කිනිති නැමී මංගල සිරි පැතිරෙනා
ඉතින් ආයු බෝ වේවා ඉර මගුලට සෙත් දෙනා