මං තරහයි……ඒත්

කිවිපති ජනාර්ද ආසිරි විජේසේකර
කිවිපති ජනාර්ද ආසිරි විජේසේකර
2021-October

සුදෝ සුදේ ඇඹරී ඇඹරි ඈත ඉදන් ලගට ඇවිත්
පිරිමදිනා ලෙසින් හිසක් කිති කවමින් මගේ ගතත්
ඇවිත් යනවා යළිත් එනවා පසුකරමින් මුහුදු හතත්
කොච්චර සැර පරුෂ වුනත්
අනේ මංදා මගේ හිතත්

හැමවිටකම මා බලන්න ආපු ඔයා එක දවසක්
බලන් ඉද්දි දුරට ගියා
අදහනු බෑ එවැනි දුකක්
මටත් නොකියා යන්න ගියේ හමුවෙන්නද අමුතු කෙනෙක්
කරදිය මැදුරත් මොහොතින් පණ යදිනා සොහොන් බිමක්

උසට උසේ ඝන කලුවට කන්දක් සේ ඔබ එනවා
මා පෙම් කල ඔබදැයි මෙි කියා මගෙ හිත අහනවා
මාවත් බිලිගෙන කල පව තවමත් ඔබනම් ගෙවනවා
මුකුත් නොවුණු ගානට ඔහු තාමත් මෙහෙ ඇවිත් යනවා