බෝසත් (සත්යවාදී ගොළුබෙල්ලා )
2024-June
(පොසොන් බණකි )
නොතබා ගැඹුරු පියවර
සෙමින් මාවත ඉවකර
රිදීරේඛා ඉඩහැර
පිහිදාර උඩ පවා සමබර
යැපෙමින් ලදළු බොජුනෙන්
රක්ෂණ කට්ට තියං මුදුනෙන්
නොනඟා මුසා දෙකොනෙන්
සසර දුර්ඝය නිවයි නිවනෙන්
දැල්ලට පනින පළගැටී
කුණු පිහින කැරපොතු පැටී
මැරි මැරී ඉපදෙන හැටී
බලං තනි ගමනකිය නොමවැටී
නොගෙවූ බැවින් පෙර පව
එක රැයෙන් නිමවිය වුව
වේයන් ලැබූ මෙරු රුව
පසක්කර ඇත “හදිසි හරි කෙටි බව “