අතරමං නොවනු මැන

සුනිල් සිරිසේන - මහනුවර
සුනිල් සිරිසේන - මහනුවර
2021-September

හොඳින් එළි පෙහෙලි කළ
කටු පඳුරු ගල් බොරළු
කිසිත් නැති මාවතේ
හිතේ හැටියට නුඹට
දැන් ඉතිං යා හැකිය
අතර මග සල් පිල් ද
සැණකෙළි ද බොහෝ ඇත
පුච්චානම් දොඩන
වෙළඳුන් ද අඩු නැතිව
සිත් සතන් සතපමින්
බොහෝ දුර ගිය පසු ද
නවාතැන් පොළක් තව
හමු උනේ නැති උනොත්,
ගිය පාර මතක නම්
නැවත ආපසු එන්න
තැළුම් ඉදිමුම් නිවන
හුදෙකලා වෙද මැදුර
තවම ඇත අවදියෙන්