BLUE MOON

පියුමි ජයකලණි වික්‍රම ආරච්චි- එක්සත් රාජධානිය

2021-September

සිල් ගත් කුසුම් පොකුරකි රන් තරු රෑන
ඕජාතයෙන් බබලයි උළිඳුන් පහන
උල්කා කදෝකිමි කර පොළොවට ගේන
මේ රෑ පෙනෙන ඇස් වේ මට හමුනොවුන

නිසසල පැයකි නෑ අවුරුදු ගණනකිය
අපමණ දිගය තත්පරයත් සිහිනෙකිය
නිසසල මනස ඉවසිය යුතු අහසකිය
කල්පය වුවද විශ්මිත එක වදනකිය

පිනි බිඳු සිඹියි නිරුවත් මුදු පා යුගල
මුව රද සැලී සිත් මල කරවයි සසල
වරකට රැඳෙන්නට හැකි නම් මා අසල
හෙට රෑ යමෙත් නරඹමි ඔය නෙතු සඟළ