හදවත පැලුනු සඳ කුමරිය
2023-January
ඉරයි හඳයි එක අහසෙම සිටියාට
ඉර බැස යයි සඳ අහසට ආවාම
විරසක වී වෙන්වන්නට සිතුවාට
තරු පැටවුන් ගැන මොහොතක් සිතුවාද
වටකරගෙන තරුකැල සඳ සිටියාට
ඉකිගසමින් හඬනාහැටි දුටුවාද
ඒ කඳුලින් මහ පොලොවත් තෙමුනාට
හිරුට දැනෙන්නට හදවත නැතුවාද
අකුනු ගසන හඬ මොකොදයි බැලුවාම
සඳට කෑගසන හිරු මම දුටුවාය
විදිලි කොටන හැටි හිමිහිට බැලුවාම
හදවත පැලුනු සඳ කුමරිය පෙනුනාය