සම්භවය ඉන්දියාවේ පදිංචිය ලංකාවේ
2023-September
සිත්යාය අභිමුවේ මල් හීන වපුරලා
මන්නාරම තොටුපළට ගෙන ආවෙ රවටලා
දුක් හීන පොදි බැඳන් ලයිමකට කොටුවෙලා
පරපුරෙන් පරපුරම මේ පොළව සරු කළා
පොල් නොමැති තෙල් රොටිය තුන් වේලම කන්න
මත් වතුර අරගන්න දුක් හීන බොඳවෙන්න
ගව් ගනන් දුර ඈත තනිවෙල වැලපෙන්න
කල වරදක් ඇද්ද මේ පොළවේ වැලලෙන්න
සිනා පොකුරු බොඳවීලා එක දිගට
රටක් නැතුව කඹුරන්නේ ඇයි අපට
සියවස් දෙකක් අවසානයි මුලාවට
තවමත් නුඹල හරි ඈතයි අපෙ කමට