මතක
2023-November
තබා ලස්සන සොඳුරු සැමරුම් යටිම හිත පතුලේ
හිනා අව්වක් ගෙනත් හලලා පුබුද පෙති කැකුළේ
කියා ගැස්සෙන සොඳුරු පදවැල් දවටලා දෙතොලේ
ගියා සුවඳක් හිමින් තවරා තවම හද ඇවිලේ
කතා කිය කිය විටක ගෙව්වත් අඩ පැයක් මැනලා
මහා කල්පය සිටිය තරමට හිතක බර රැඳිලා
කලා සපිරුණු හඳක් පිපිලත් අමාවක ලබලා
හිතා ගනු බැහැ මතක මෙතරම් ඇයි නපුරු කියලා
ගොතා එක එක හුයක දවටා හිමි හිමින් අහුලා
ඉතා මිහිරැති මතක මල් පෙති සුළඟ හා යවලා
ලබා ගන්නට වහා සැනසුම මගෙම මග සොයලා
පලා යන්නෙමි බොහෝ ඈතට තිතක් සේ මැකිලා