මට හිතෙන ආදරය
2024-January
මට හිතෙන ආදරය
මට දැනුනෙ අද තමයි
කනට කිති කැවෙන මද
සිනිඳු හඬ වැකුනමයි
මට දැනුණු ආ හැඟුම්
හිතට වැඩිවෙන හැඩයි
ඒත් මට කසාදෙට
හිතක් තව නැතුවමයි
සඳ ඇවිත් ඝන අඳුරෙ
සොමි රැයක ඉඳ ගනියි
කඳුලු පිනි වැටෙන හඬ
විටක පපුවට දැනෙයි
මට දැනුණු ආ හැඟුම්
හිතට වැඩිවෙන හැඩයි
ඒත් මට කසාදෙට
හීතක් තව නැතුවමයි
මට මගේ මව නැතුව
පුංචි අම්මා ළඟයි
මව් සෙනේ දැනෙන ළඟ
කිට්ටුවට නෑකමයි
නුඹ අරන් ආ දිනක
ඉන්න තැන සැක තමයි
ඒත් නුඹෙ කසාදය
නොකර බැරුවා තමයි