මං ඔබව ඇන්දා
2023-May
උසාවිය ඇඳ සුදු කොලය මැද
වටේටම කළු කෝට් ඇන්දා
කෙළවරක් ඔබෙ රුවට වෙන් කර
කඩවසම් බව ඊට දුන්නා
ලැබුන හන්දා දික්කසාදය
සහතිකය ඔබෙ අතක ඇන්දා
දන්න හින්දා සතුටු වන වග
හිනාවක් ඔබෙ මුව පැළැන්දා
දින්න හින්දා ඈ ඔබේ හිත
ඇයව ඔබ අසලින්ම ඇන්දා
අහිමි හන්දා අදින් පසු මට
කෙළවරක තනි මාව ඇන්දා
බැරිම හන්දා වාවන්නට
හදවතක දුක ඇහෙන් පැන්නා
අඬ අඬා මඟ යන්නෙ කොහොමද
දෑස තෙමනට වැස්ස ඇන්දා
උසාවිය අඩි පොළවෙ ගහ ගහ
අනාචාරිය මමය කිව්වා
ඒක හින්දම කවුද මිනිහෙක්
කුඩය මට ඉහළනවා ඇන්දා