බේරේ වැව් වරුණ
2023-June
කොළඹ සේදිලා කුණු දිය ගලනා
කාණු පුරා එන රොන් මඩ රඳනා
කපුටු වසුරු මුසුවී ගඳ ගසනා
බේරේ වැව් කොමලිය බල සොබනා
කොල පාටින් කොල දිය රැළි නැගෙනා
කරදිය එක්වී ලුණු රස දැනෙනා
ගංගාරාමය එපිටින් පෙනෙනා
බේරේ වැව් කොමලිය බල සොබනා
අහස උසට මහ මන්දිර නැගිලා
විදුලි බුබුලු එළි සුවහස් දිලෙනා
වලා රොදින් හඳ පලුවද එබෙනා
සඳ දිය ගලලා කුණු දිය මැකෙනා
කෑ කොස්සන් දෙන රිය පෙළ අතරේ
පිස්සන් දුව පැන යන හඬ පැතිරේ
රිදී පහන් වැට බබළන ලෙසිනේ
සඳ දිය මුසුවී වැව් දිය දිලිසේ