පැටව්
2022-November
ගස් වටේ කැරකෙන උලා කන
පැඟිරි වයසේ එළදෙනේ
කකා විතරක් ඉඳල බෑ බං
මවක් විය යුතු ඉක්මනේ
උඹලගේ දරු සෙනෙහසේ ඵල
නෙළයි උන් මනුසත් කුලේ
ඒකමයි මද කිපුණ කාලෙට
කඹ නැතිව යැව්වේ රැළේ
සුදු නෙළුම් ඇත් පැටව් හීනෙන්
දැක්කෙ නැත්නම් නුඹ නැසේ
මේ ලොවේ කොයි ආදරේටත්
යම් මිලක් නියමයි එසේ
නුඹට නම් ඕනෑ එකෙක් පිට
උඩට ගන්නට හැකි වෙතේ
ගෑණු වී සරු කර ගැනීමත්
අපම කරගත යුතු වෙතේ
බෝට්ටුවෙ අපි දෙන්න එකටයි
පතා ආ ලෙස ඉරණමේ
මගෙත් නරකම කල දසාවයි
යන්න වෙයි ළඟදිම ගමේ