සුනිල් ආරියරත්න නම් වූ ඔහු
විරල ගනයේ විද්වතෙකි ඔබැ
සරල දිවි පෙවෙතකට හුරුවූ
සුනිල දිය දහරක් වගේ පිරි
අමිල සිතුවිලි ජනග සිත් විල
විසුල සියපත් කැඩපතක් වන්
කවිය ගීතය දෙඅත් සේ රැකි
නැතිය කිසිදා එකට මුසුකළෙ
සවිය ඔබැමය සපත කෙරුවේ
මගය මේ යැයි ලොවට කියමින්
අගය නොමියෙන ලෙස සදා
උතුරු කොන සරසවි බිමේ
මිතු සෙනේ පෑ පෙර දිනේ
සතුරු හදවත් අබිමුවේ
ඔබැමැ විය මේ සිංහලේ
දකුණු ලක සරසවි වලත්
ගෙවුණු යටගියාවෙහි මහත්
නැගුණු හෙළ භාෂා වියත් හඬ
දැණුනු ඇත්තෝ අති මහත්
ඇදුරු වන් වු දිසාපාමොක්
මැදුරු පැල්පත් වලින් සැපැමිණි
අකුරු කළ ගුරු මුෂ්ටියෙන් තොර
සොදුරු මිනිසෙකි ඔබැ නිරන්තර
මහරු සිසු පරපුරක් බිහිකළ
අඳුරු ලොව ආලෝක කෙරුමට
පුලුල් තිරයත් පුංචි තිරයත්
පළල් සිතකින් පසෙක් කරගත්
විසල් දැක්මෙන් ජාතියට කළ
අවුල් නැති නිරවුල් කලා කෘති
තැවුල් සෝ ළතැවුල් මැදින් වුව
පසල් ගම් පසුකර හඹාගොස්
විස්ව තලයේ ඇත රැදී
මහා ඇඳුරිදු මහා පදයුරු
මහා කිවිසුරු මහා ලිපියුරු
දැයේ පින් මහිමයට පහළවු
සුනිල් ආරියරත්න නම් වූ
ලබත්වා දිගු ආයු නිරතුරු