ලන්ඩනයේ සිට මුදා හැරෙන ශ්‍රී ලාංකේය කවි සරණිය

සිතාරය මමයි

සිතාරය මමයි

කමල් සේමගේ
2021-February

සිතාරය මම යි නුඹෙ ඇඟිලි තුඩු පහස ලද
ගයන්නට මිහිරි ගී මා වැයූ මිහිරි නද
පිනවුයෙමි සිත් සතන් නොපැකිලව ඉඩක් ලද
අනන්තයි පෙම්වතුන් වෙනුවෙන්ම වැයුනු නද

ලෝකයක් නතරවී වගුරද්දි කඳුළු ගඟ
නෙත් අයා සිටි දනන් වැලපෙද්දි නුඹේ ලඟ
රාගයත් මියැදුනා නුඹේ හඬ අතරමඟ
හසිනි යේ ගොළු වෙද්දි අසරණව නුඹේ රඟ

නිමක් නැති සිත් සතන් ප්‍රේමයෙන් උමතු කල
වැයුනු අවසන් ගීය දනන් සිත් සසල කල
තත් කුමට වයන්නද සොඳුරු ඇය නොමැති කල
වාදකය සිඳලන්න එහැම ඇය මියෙන කල

පසුව ලියමි: අහම්බෙන් නෙත ගැටුනු, පිළිකාවකට ගොදුරුවී
මරණ මංචකයේ සිටි හසිනි, කිර්ති පැස්කුවල් සමග
වේදිකාවක ගායනා කල, “කවිකාරියේ” ගීතයේ වීඩියෝවක්;
මගේ කිසිදා තෙත් නොවෙනා නෙතට ගෙනා කඳුලක් අතරින්
සිතට ආ පද පේලි කිහිපයක් මෙසේ සටහන් කරතැබූවෙමි..