අතීත සිහිනය
2022-August
නිදි යහන ඉහත්තෑවේ
ලියකමින් විසිතුරු කොට
නේක මල් කැටයම් තිබුනද
ඒ මල් සුවඳ නැත
සීගිරිය එකළු කළ
විජ්ජුලතා මේඝලතා අත
සියුමැළි ඇඟිලි තුඩින් එක් කොට
බොහෝ මල් තිබුණද
ඒ මල් සුවඳ නැත
පරසතු මදාරා මලක තතු
පොත පතෙහි ඇති නමුත්
නොදන්නා මලක් මතු මතු ද
මනසින් සිප ගත හැකි වුවද
නොදැනේ මල් සුවඳ ?
පූජාසනය මත වැතිරුණු
අනේක සුවඳ පිරි
නෙක පැහැ පරමල් ඇතත්
ඒ අතර ද හමු නොවුණි
මා සොයන ඔබේ සුවඳ