හිරු බසින්නෙද කුමකට……….
2024-February
සුදු නෙළුම් සරි මුතුකුඩ
දියේ පිපෙනා හේතුව
එය නෙළා පින් පිරුමට
කෙනෙක් හට දීමයි වර
සැඳෑ සඳ නැග එන විට
හිරු බසින්නෙද කුමකට
තම රැසින් එළි ගෙන සඳ
තුටු පහටු වන්නට හැර
තුන් මසක් ගොස් මියැදෙන
මී බිඟුන් මේ වැඩ කිම
උන් නැතත් මී පැණි රස
තිබිය යුතුවේ මිහිපිට
නිවන් යන්නත් බැරි තැන
අම්ම ඇයි බුදුරුව ළඟ
ඈට මොකටද පින් බල
එයත් පිරුවේ අපටය
කවුරු කවුරුත් දිව එතී
කති බොතී යළි යළි එතී
එකෙක් දෙන්නෙක් දිවි දිදී
මිහිරි රස කැප කරවතී…