මිතුරුදම

ශ්‍රියානි උඩුගංගොඩ - මහනුවර
ශ්‍රියානි උඩුගංගොඩ - මහනුවර
2021-October

ශානිදාවේ හැන්දෑවේ එකතු වී මිතුරන්
පුරද්දී සව්දිය නෙක කතා කියමින්
ඇසුනි මේ කතාබහ ඇතිව මහ අබිමන්
පිරි අයුරු අපුරුයි නොවැ මගේ දෙසවන්

ගරු ඇමති තුමා නම් මගේ හොද මිතුරෙක්
චන්ද කාලෙට තිබුණි ඉතා ලඟ ඇසුරක්
දැන් ඉතින් ඔහුට නැහැ කිසිම ඉඩ හසරක්
හමු වෙන්න අවැසි බව පැවසුවා දවසක්

ඊ ලඟට තව කෙනෙක් පැවසුවේ මෙලෙසින්
රෝහලේ වෙද තුමා අප ද හොඳ මිතුරන්
පවුලේ අය ලෙඩ වුනොත් හමුවෙලා සැනෙකින්
පෝලිමේ ඉදිරියෙනි බිල ගෙවූ විගසින්

කතරගම යන පාරේ කුඩා ගොවියෙක් මගේ
හිතවතෙක් විය සැනින් හමුවෙලා මහ මගේ
හාල් එළවලු මල්ල හැම මාසෙ මුල වගේ
එවයි ඔහු නිවසටම සොහොයුරෙක් ලෙස අගේ

මිතුරු දම් උනු උනුන් අතරේ උදාරයි හැමදාම
හදවතින් ධනවතුන් නොවේ රුපියලට ගිජු වීම
හිතවතුනි හිතන්නට දෙයක් ඇත හැමදාම
කැඩපතින් ඔබ දකින රුව නිබද එය ඔබගේම