![](https://londonkavi.com/wp-content/uploads/2024/05/531a00c9-cc5f-4ab8-9e7c-9116121dbc5b.jpeg)
දුමිඳු සෙවනේ..ගැහැනියක්
නොමැති මුත් රන් තලිය…
කොළ පතක ලා සුසැදු.
කිරි බතක් පුදනවා …
ගැහැනියක් විත් දිළිඳු.
පිළිමයක් මතු පිටින්…
දකින මුත් හැඩ මුනිඳු .
කෙළෙස් මළ මතින් වැඩු…
දැහැන් දුටුවෙම දුමිඳු .
*********************************
සංඝමිත්තා තමයි …
වැඩම කළෙ කිව් පුරුදු .
නාවනා විටත් ගෙන …
සඳුන් කිරි පැන් සිනිඳු
ලිවි බසින් කට බසින් …
නොයෙක් ලෙස පැතු නමුදු.
තවම බුදු වෙලා නෑ..
මවක් ඒ යට දැනුදු.
***********************************
නිදා ගෙන සිටි විටත්…
අහස් කුස තුළ දිනිඳු.
ළිපේ ගිනි උණුසුමට …..
පිබිදුණා ගෙයි තරිඳු.
කවා නහවා පොවා..
රකිනවා නම් බිළිඳු.
ඥාණ පාරමි කුමට…
ඇයට මර සෙන් පැරදු.
########################
වෛද්ය නිලධාරී .
බන්ධනාගාර වෛද්ය ඒකකය .
බදුල්ල .
2024.05.02