වස්සාන පින්කමට පේවෙන්න දම් වැස්සෙ හැකිතරම් නෑවෙන්න භව දුකට ඔසු සොයා වෙහෙසෙන්න පිටත් වෙමු ළඟයි නොවැ රෑවෙන්න ​අඬගසයි දිවා රෑ බිම්බරක් සේනාව මර දූවරුන් රති ස්වරෙන් වැයු වීණාව රිදුම් පහරින් ඇදෙයි සංසාර දෝණාව නැගෙමු පින් පුරන්නට මේ දහම් යානාව ​අත්හැරීමක සුවය මේ භවේ විඳගන්න කෙලෙස් මහ කැලෑවේ අරටුවම සිදලන්න පෙණ බුබුලෙ වියැකීම නැණසින්ම දැකගන්න බුදු පසේ බුදු රහත් පහන් වැට දල්වන්න ​මෙරු රෑන් පාන වට රඟා - තටු සිඳ ගනී වහ කදුරු අතට ගෙන සොයයි - රස මී පැණි ඇතුළතින් ගිනි නගා - පිටතටත් පැතිරුණි අමා දම් සිහිළසින් - දැවෙන ලොව සැනසුණි ​බෝපතක් වැලිමළුවෙ - ගයයි අනියත බණක් ඉපදීම වියැකීම - ජීවිතේ පිණි බිඳක් කඨින පින් උල්පතින් - ගලයි නොසිඳෙන ගඟක් සොයා යමු පින්වතුනි - දුකින් මිදෙනා මඟක්