නිවී සැනහුන හිතක නිදහස් හැඟුම් පිබිදුන සීරුවෙන් ගෙතී පදවැල් මුහුව රසකර පිරුන හිතයට වාරුවෙන් ඈත දුරවුව පෙනුන මානෙක පියතබන් හරි සීරුවෙන් හිතේ ඇඳුනේ මතක සටහන් නිදන්වුන හිත ප්‍රේමයෙන් සීත හුළඟක මුහුව පාවෙන හිතක් නිවෙනා සීතලෙන් ඈතමානෙක සුවඳ දැනුනා සවියදී හරි වාරුවෙන් ගේන හිතයට හීන පොදිබැඳ අත්වැලක තිබු වාරුවෙන් මතක අහුරක සවිය තිබුනා ඇවිද යන්නෙමි සීරුවෙන් ලිහුන අත්වැල අදත් හෙව්වා හිතක පුරවපු මතකයෙන් තනිය හිතලඟ මගම බැලුවා සිහිවු හෝරා ඉකිලමින් පෙනුන මග දුර ඇවිදයනවිට නිදන්කළ ඒ ආදරෙන් සොඳුරු සිහිනෙට ඇවිත් උන්නා හිතට සවිදී සීරුවෙන් ස්විස්ටර්ලන්තයේ සිට Photo Credit: Eldar Nazarov