කයිසාරුවත්තේ මුහන්දිරම්ගේ දූ, නන්දා නොවී මේ නන්දා කාසෙට්ටිවත්තේ වින්සන්ට් කෝට් බාසුන්නැහේගේ දූ, නන්දා මාලනී මේ නන්දා කාගෙත් ළපැත්තේ, ප්‍රේමයේ රම්‍ය සඳ කිරණ තවරා, ළසෝ දුක් සිඳ බින්දා සත්‍යයේ ගීතේ ඇවැසි තැන, ගීත කගපත ලෙලවූ, නිබය ගැහැනිය වන්දා ළමා,පෙම්,වියෝ, විමුක්ති,අරගල,බැති, දේශාභිමානී ඈ ගී ගැයූ එකම ස්වරයෙන් අමා කෝකිලාවක ඈ වන් , සුදම් සබයේවත් සිටීදැයි නොදනිම් නිමා වුව ඇගෙ දිවි, ගැයූ ගී පවනෙහි සදා, රැව්දේවි අමයුරු මිහිරෙන් සමාවුවමැන සක් දෙවිඳුනි, සොරාගත නොහැක ඔබටත්, අප සතු මීර මෙලොවින් ජීවිතේ සෑම මොහොතම අපේ, ගී පොතේ වර්ණ තැවරූ බැවිනී මාවතේ පීඩිත දන දුක, තෙත් හදින් ලොවට ගැයු පිනෙනී හිමිවෙතේ නන්දන උයනක්, තුසිතයේ ඔබට මැතිනී සුදු වතේ සරල හසරැල්ලෙන් සරාසඳ පහන් දැල්වූ ගැහැනී