මාරු කාසි ගෙනබැලුවම වටිනා කම අඩුවුනාට...
තෝරු මෝරු වගේ ලොකුයි දාන සද්දෙ ගණිනදාට...
සීරුවෙන්ම හිටියත් ඔය නෝට්ටු දිදුලමින් පාට...
පෝරුවටත් නගින්නෙ දෑවැද්ද ලෙසින් බඳිනදාට...

එලෙස සිතා බැලුවොත් අර මෝඩයින්ගෙ එ බර බරේ...
කෙලෙස ඉවසගෙන ඉන්නද, නොදත්කමම මුවින් පෙරේ...
අලස ලෙසින් පෙනුනත් ඔය සද්ද නැතිව ඉන්න දොරේ...
විලස නියම උගතා, තම
දැනුම වඩයි නිරන්තරේ...

'නියම වැඩ්ඩ' ගරු නාමේ
ලබන්නෙ ඒ අයයි නිතර...
දැයම බබලවයි තම දස්කමින් වැඩිය කතා නොකර...
කයම දෙදරවා වදනින් හරඹ කරත් නොදැන සතර...
පයම ඔබා වැජඹෙයි මුග්ධයො,
ලොකු ලොක්කනුත් අතර...