NOW IT IS DIFFERENT .

අවුරුද්ද රහයි. ඒත් ඒ රසය එන්න එන්නම
ඇඹුල් වෙනව වගේ. සේසිරි මහතතයයි අමිතාවැදිසිංහ නෝනායි ගයපු සිංදුව නැත්තම්මේ තියෙන ටිකවත් අවුරුද්දෙ නෑමයි.

##################################

එකම එක වරක් - පොඩි..
සන්දියේ දී දැක්ක.
එදා එරබදු මලේ..
පාට දැන් මතක නෑ.

************************

කොහෙද දැන් ලොකු ඉඩම්..
ඒ නිසා ගසුත් නෑ.
වැටෙන කජු අහුලන්න..
ගම්වලත් ලේසි නෑ.

*********************************

පරිගණක තීරයේ ..
දූ පුතුන් සැඟවිලා.
අපි පැද්ද ඔංචිලිය්..
බඳින්නට හිතුනෙ නෑ.

********************************

සේසිරියි අමිතගෙයි...
හරිම ලස්සන ගීය.
අසනමුත් බැදිවලට..
මල් වැස්ස වැටිල නෑ.

*********************************

රූප පෙට්ට්ටියෙන් හැම -
සැරේ අවුරුදු දාට.
දකිනවා මිස රබන්...
පද මොකුත් ඇහුනෙ නෑ.

***********************************

සනත් මහැදුරු ගියා...
සුජාතත් නිහඬ නම්.
කොහේවත් ඉඳන් තව...
හඬලන්න කොහා නෑ.

***********************************

බිත්තියේ රාමුවක..
නිස්චලව සිටින විට .
අම්ම නැති අවුරුද්දෙ...
කොහොමටත් රහක් නෑ.

වෛද්‍ය නිලධාරී .
තල්දෙන ප්‍රාථමික සත්කාර ඒකකය.

බදුල්ල .
202603.24.