එක තැනකදි යමක් කියා පසුව නොකියු බව කියනා... සැක ඇති නොවනා ගාණට, මවා කතන්දර වියනා... නෙක නෙක ආරවුල් වලට එලෙසින් මුල් ගල් තියනා... බක තපසුන් ගැන දෙදිවැති, සිතෙනා දේ අද ලියනා... ගෙයින් ගෙයට සුවදුක් බැලුමටසේ ගොස් කා, දිය නා... පයින් ගමන කිසි වෙහෙසක් නැති ගාණට අඩි තියනා... නයින් හුඹස් වලින් රැගෙන තව තැනකදි ඇර පියනා... එයින් වැනසුවේ ඉස්සර සිටි ඈයොලු, දැන් කියනා... මෙදා ලෝකෙ දියුණු නිසා කෙටවීමට මං තියෙනා... හදා පදත් පතුරන්නේ ඇත්ත ලෙසින්මයි කියෙනා... යොදා රූප මවා තාක්ෂණෙ පිහිටෙන් දෙය වියෙනා... බෙදා හරින කලදි ලොවට සිතුවද චරිතද මියෙනා... කෙතරම් කෙටිදෝ අපෙ දිවි ගැටුම් මදිද ලොව තියෙනා... පතුරම් හින්දා දිනකකට කීදෙනකුන්දෝ මියෙනා... ඉ'තරම් දහමක් ඇති රටෙ, ඇසිලත් බන ඒ කියෙනා... නොතරම් වැඩකිය ඉන්නට වීමත් අපහට බියෙනා...