හිමිදිරිය
සීත මිහිදුම් සළුව පෙරවූ හිමිදිරිය
අරවින්දයේ රැඳී බබළන පිනිකැටය
වියැකේ වැදී දුල් කිරණේ පහස
දිනිදා නැගී එයි ගිරි මුදුනින් උදය
සුපුල් කහ දාස් පෙතියා මලයි
පාවී ඇට්ටේරියා මල් සුවඳයි
සුදු සේල ඇඳ ගත් ඉද්ද ගසයි
තුෂර බිඳුවට රහස් කොඳුරයි
අරුණැල්ලේ ළපටි ගොයම් පැළ
නටයි තානමට වැදී සීත මඳ නල
දැක වක්කඩ දණ්ඩි පැටව් රැළ
වැදී තපසට මාන කොකුන් කැළ
නියර මත පලිඟු පිනි පලස දිග
සිඟිති පා ඔසවමින් අර හනික
පැංචන් දෝතින් පොත්මිටිය ගෙන
ඇල්මෙන් ඇදෙයි අකුරට උදෑසන
කවිය බලන්න
